paragraf - Cussegliaziuns
Cussegliaziuns
Giavischais Vus ina cussegliaziun? La Lia Rumantscha As cusseglia gugent, sche Vus avais dumondas en connex cun la lingua, la cultura, la furmaziun e la politica linguistica.
Cultura ed ediziuns
La Lia Rumantscha porscha cussegliaziuns en dumondas da concept, da cuntegn, d'organisaziun u da finanziaziun da projects culturals. Ultra da quai cusseglia ella en dumondas d'ediziun ed intermediescha contacts ed engaschaments culturals. La Lia Rumantscha ha rimnà var 1200 chanzuns e 1800 tocs da teater ch'ella metta a disposiziun sin dumonda.
Persuna da referenza
Gianna Cadonau, info@rumantsch.ch, +41 (0)81 258 32 22
Furmaziun
La Lia Rumantscha accumpogna il svilup da la scola en il Grischun, elavura ideas e concepts e s'engascha per bunas cundiziuns accumpagnantas per il rumantsch en scola. Plinavant cusseglia ella geniturs e manadras da gruppas da gieu e da canortas davart la dumonda da l’educaziun linguistica, metta a disposiziun material didactic e fa barats e scolaziuns per las gruppas en mira.
Persuna da referenza
Annalisa Schaniel, info@rumantsch.ch, +41 (0)81 258 32 22
Lingua
La Lia Rumantscha porscha cussegliaziuns davart la lingua e cultura rumantscha ad instituziuns ed organisaziuns, ma er a persunas privatas. Ella dat infurmaziuns linguisticas e linguistic-culturalas e cusseglia ed accumpogna en dumondas dal diever dal rumantsch. La Lia Rumantscha stat er a disposiziun per referats, discussiuns, intervistas e posiziuns linguisticas.
Contact
info@rumantsch.ch, +41 (0)81 258 32 22
Represchentaziun d'interess
La Lia Rumantscha s'engascha per ch'ils interess da la cuminanza linguistica rumantscha restian adina en l'attenziun da las autoritads. Ella cusseglia gruppas da project per fusiuns en dumondas da valitaziun e da l'interpretaziun dal dretg da linguas, da la realisaziun raschunaivla en scola e da l'applicaziun da la lingua en la publicitad da las vischnancas fusiunadas.
Persuna da referenza
Andreas Gabriel, info@rumantsch.ch, +41 (0)81 258 32 22